عمرى ما نسيت ضحكتك ليا وانت بتتفرج عليا وانا متعصبة وبتنطط ع الارض من اى شئ تافه رغم انى ماكنتش طفلة ♥
مانستش جريى ع الباب لما اعرف انك انت الى بتخبط ونكشى فالشنط الى انت جايبها عشان عارفة انك جايبلى حاجة بحبها ♥
وازاى انسى حضنك ليا وانا متضايقة او مكتبئة؟ وماكنتش بتستحمل تشوفنى ف مشكلة الا لو تحلهالى ولو ملهاش حل كنت تنصحنى انى انزل اخرج اتفسح واشم هوا واغير جو؟ ♥
ولا انت فاكرنى نسيت لما كنت بتاخد تعبك ف آخر ايامك حجة تخلينى عشانها اسهر جنبك تحت رجليك؟ ♥
عمرك ما قصرت معايا ف حاجة ومهما عملت معاك وشلتك ع راسى حاسة بالذنب, عارفة انى ماكنتش بزورك فالمستشفى كتير بس والله ف العمليتين كنت واقفة ع اوضة العمليات بدعيلك وبسأل اى حد خارج او طالع من عندك
ماكنتش بستحمل اشوف أقوى راجل فحياتى وهو بيموت, فاكر يوم ما عملنالك عيد جوازك انت وماما فالمستشفى؟ كانت آخر مرة شوفتك فيها واتكلمت معاك
سألتنى مالك؟ سكت ماعرفتش ارد واقولك انا حاسة انك خلاص بتنتهى ومش عايزاك تعمل العملية دى اكتفيت انى اقولك ان القولون تاعبنى بس وانى بردانة
وقتها بصتلى بصة ماحدش كان فاهمها غيرنا ماهو انت ديماً كنت بتقول ان ماحدش بيفهم نظرتك غيرى :) , كنت عارفة انك عارف احساسى وان نظرتك دى كانت بتطمنى وبتقولى ماتخافيش كل حاجة هتبقا كويسة
بس بعدك مابقاش فى اى حاجة بقت كويسة, مابقتش حاسة باى حاجة ولا بفكر ف اى شئ قد مانا بفكر انت ازاى قضيت آخر لحظاتك
حاسة بالذنب انى ماكنتش جنبك بحكيلك حكاية ولا باخد بالى منك
حاسة بالذنب ناحية آخر مرة اتخانقنا فيها وماقدرتش اتأسفلك عشان ماكنش فى وقت! جم بعدها بيوم الاسعاف وخدتك منى ولو كنت اعرف ان دى آخر مرة ماكنتش سبتهم ياخدوك..
واحشنى بكل تفاصيلك وبقف قدام المراية ابص عليا واشوفنى لسة شبهك ولا اتغيرت
وحشانى نظرة عينك, بس انت ماكنتش عارف انى بحب النمر عشان عينه شبه عينك صح؟ ماهو ماحدش كان يعرفها دى غيرى
لسة بحلم بيك بتطبطب عليا, انا عارفة انك معايا بس ماينفعش روحك بس مش مكفيانى
انا عايزة احضنك تانى حتى لو الحضن ده هياخدنى من الحياة الى مابقلهاش اى طعم من غيرك
انا بعدك اتغيرت يا بابا, مابقتش عارفة اقرب م الناس بقيت اخاف لا يسيبونى زى ما سبتنى وانا الى كنت فاكراك باقيلى طول العمر..
عايزة اقوم م النوم ع مكالمة بتقولى انك راجع البيت النهردة, مش مكالمة بتقول انك انتهيت
واقوم الصبح اعملك الفطار والبسك هدومك عشان ماما تعبانة ونايمة وابوسك ع خدك واقولك هاتلى معاك حاجة حلوة واسيبك تنزل وانا اعيش يومى لحد ما تيجى وابوسك تانى واحضنك بسرعة وانكش ف الشنط الكتير الى انت جايبها وانا عارفة انى هلاقى الى عايزاه..
مانستش جريى ع الباب لما اعرف انك انت الى بتخبط ونكشى فالشنط الى انت جايبها عشان عارفة انك جايبلى حاجة بحبها ♥
وازاى انسى حضنك ليا وانا متضايقة او مكتبئة؟ وماكنتش بتستحمل تشوفنى ف مشكلة الا لو تحلهالى ولو ملهاش حل كنت تنصحنى انى انزل اخرج اتفسح واشم هوا واغير جو؟ ♥
ولا انت فاكرنى نسيت لما كنت بتاخد تعبك ف آخر ايامك حجة تخلينى عشانها اسهر جنبك تحت رجليك؟ ♥
عمرك ما قصرت معايا ف حاجة ومهما عملت معاك وشلتك ع راسى حاسة بالذنب, عارفة انى ماكنتش بزورك فالمستشفى كتير بس والله ف العمليتين كنت واقفة ع اوضة العمليات بدعيلك وبسأل اى حد خارج او طالع من عندك
ماكنتش بستحمل اشوف أقوى راجل فحياتى وهو بيموت, فاكر يوم ما عملنالك عيد جوازك انت وماما فالمستشفى؟ كانت آخر مرة شوفتك فيها واتكلمت معاك
سألتنى مالك؟ سكت ماعرفتش ارد واقولك انا حاسة انك خلاص بتنتهى ومش عايزاك تعمل العملية دى اكتفيت انى اقولك ان القولون تاعبنى بس وانى بردانة
وقتها بصتلى بصة ماحدش كان فاهمها غيرنا ماهو انت ديماً كنت بتقول ان ماحدش بيفهم نظرتك غيرى :) , كنت عارفة انك عارف احساسى وان نظرتك دى كانت بتطمنى وبتقولى ماتخافيش كل حاجة هتبقا كويسة
بس بعدك مابقاش فى اى حاجة بقت كويسة, مابقتش حاسة باى حاجة ولا بفكر ف اى شئ قد مانا بفكر انت ازاى قضيت آخر لحظاتك
حاسة بالذنب انى ماكنتش جنبك بحكيلك حكاية ولا باخد بالى منك
حاسة بالذنب ناحية آخر مرة اتخانقنا فيها وماقدرتش اتأسفلك عشان ماكنش فى وقت! جم بعدها بيوم الاسعاف وخدتك منى ولو كنت اعرف ان دى آخر مرة ماكنتش سبتهم ياخدوك..
واحشنى بكل تفاصيلك وبقف قدام المراية ابص عليا واشوفنى لسة شبهك ولا اتغيرت
وحشانى نظرة عينك, بس انت ماكنتش عارف انى بحب النمر عشان عينه شبه عينك صح؟ ماهو ماحدش كان يعرفها دى غيرى
لسة بحلم بيك بتطبطب عليا, انا عارفة انك معايا بس ماينفعش روحك بس مش مكفيانى
انا عايزة احضنك تانى حتى لو الحضن ده هياخدنى من الحياة الى مابقلهاش اى طعم من غيرك
انا بعدك اتغيرت يا بابا, مابقتش عارفة اقرب م الناس بقيت اخاف لا يسيبونى زى ما سبتنى وانا الى كنت فاكراك باقيلى طول العمر..
عايزة اقوم م النوم ع مكالمة بتقولى انك راجع البيت النهردة, مش مكالمة بتقول انك انتهيت
واقوم الصبح اعملك الفطار والبسك هدومك عشان ماما تعبانة ونايمة وابوسك ع خدك واقولك هاتلى معاك حاجة حلوة واسيبك تنزل وانا اعيش يومى لحد ما تيجى وابوسك تانى واحضنك بسرعة وانكش ف الشنط الكتير الى انت جايبها وانا عارفة انى هلاقى الى عايزاه..
No comments:
Post a Comment